Ұлытау облысында ауа райына байланысты ескерту жарияланды

Бүгін, Жаңаарқа кентінен Қарағанды облысы бағытына қарай шыққан автокөліктер ауа райының қолайсыздығына байланысты сағат 22:10 шамасында жол бойында шоғырланып қалғаны жайында хабар келіп түсті.

Барлығы 8 жүк көлігі, 50 жолаушылар автокөлігі, 2 автобус барлығы 182 адамды қамтиды. Адамдар жақын жердегі қонақ үйлерге орналастырылды.

Құрметті тұрғындар!

2024 жылғы 08 ақпаннан
09 ақпанға қараған түнде Ұлытау облысының батысында, солтүстігінде бұрқасын, көктайғақ күтіледі. Оңтүстік-батыстан жел соғады, облыстың солтүстігінде екпіні 15-20 м/с күтіледі.

Жезқазған қ.: 09 ақпанда түнде баяу бұрқасын күтіледі. Оңтүстік-батыстан жел соғады, екпіні 18 м/с күтіледі.

Сол себепті алыс жолға шықпауды ескертеміз!