Жемқорлықтың алдын алу – міндет

Жақында аудандық ішкі саясат бөлімі ғимаратында сыбайлас жемқорлыққа қарсы шаралар кешені аясында мектеп мұғалімдері мен оқушылары арасында семинар-тренинг өткізілді.

Семинар жұмысын Сыбайлас жемқорлықтың алдын алу ақпараттық ағартушылық тобының спикерлері Алтынай Сүлейменова мен Жомарт Әбішев ұйымдастырды. Тренингтің міндеті – «тұрмыстық» жемқорлықты жойып, қарапайым халықтың алаңсыз өмір сүруіне жағдай жасау. Сол үшін ең алдымен адамның санасына сәуле түсіріп, адамды қоғамды түзетуге бағытталған шаралар негізінде әңгіме өрбіді. Онда адалдық, әділдік жолындағы басты құндылық – қоғам, ал қоғамдағы өзгерістер күш-білім мен адал еңбек екені баса айтылды. Екінші бөлімде сыбайлас жемқорлыққа қарсы мәдениетті қалыптастыру шеңберінде өскелең ұрпаққа рухани-адамгершілік және азаматтық патриоттық тәрбие беру контекстінде бейнероликтер көрсетілді. Ондағы мақсат – оқушыларды сыбайлас жемқорлыққа қарсы білім деңгейін арттыруға бағытталды. Сонымен қатар, сыбайлас жемқорлыққа тікелей немесе жанама әсер ететіндердің әрекеттері әшкерленіп, ұсынылды. Түптеп келгенде, оқушыларды жаман әдеттен аулақ болуға шақырды. Осы сипатта Ұлытау ауданының ішкі саясат бөлімінің тапсырысына сәйкес PARASAT ЖҚ ұйымдастыруымен сыбайлас жемқорлықтың алдын алу мақсатында бейнеролик пен ЭССЕ жазудан оқушылар арасында байқау өткізілді. Байқаудың мүддесі – сыбайлас жемқорлыққа қарсы мәдениетті қалыптастыру және парасаттылық құндылықтарды ілгерілету негізінде өрбіді. Осы тұрғыда, аудан аумағындағы мектеп оқушыларының әзірлеген туындыларынан 12 ЭССЕ, 7 бейнеролик сарапқа салынды.
Байқау қорытындысында бейнеролик бойынша №9 Терісаққан мектебінің 9 сынып оқушысы Әлібек Ғазиз Бас жүлдені жеңіп алды. Бірінші орынды аудандық оқушылар үйінің «Ulytau media schooI» үйірмесінің оқушысы Кәусар Аймағамбет иеленді. Екінші орынға №11 Қоскөл мектебінің 10 сынып оқушысы Нұрхан Төлеу қол жеткізсе, үшінші орын №17 Байқоңыр мектебінің 8 сынып оқушысы Кәусар Дастанға бұйырды. Ал, ЭССЕ жазудан Бас жүлдені аудандық оқушылар үйінің «Ulytau media schooI» оқушысы Елдара Обайдуллина иеленді. Бірінші орын биігінен №5 Пионер мектебінің 9 сынып оқушысы Айбибі Қиынаятова көрінді. Екінші орынды №7 Сарысу мектебінің 9 сынып оқушысы Дильназ Ұзақбай иеленсе, үшінші орынды №17 Байқоңыр мектебінің 8 сынып оқушысы Еңлік Қордабай еншіледі.
Байқау соңында ұйымдастырушы тарап атынан жеңімпаздар мен жүлдегерлерге тиістілігіне сәйкес, дипломдар мен сертификаттар тапсырылды.

Қайрат ЖҰМАБАЙ.