Ақтас мектебінде күрделі жөндеу жұмыстары басталды

Ұлытау ауданы Ақтас кентінде орналасқан №12 мектебінде күрделі жөндеу жұмыстары жүргізілуде.

Қазіргі уақытта ғимараттың жылу жүйесі, терезелерін ауыстыру жұмыстары аяқталды. Ендігі кезекте ғимараттың ішкі жөндеу жұмыстары жүргізілуде. Атап айтқанда есіктері, едендері ауыстырылады, электр жүйесін жаңарту, әктеу-сырлау жұмыстары жасалады. Ғимараттың шатыры ауыстырылады. Сонымен қатар, спорт залдың ғимаратына да жөндеу жұмыстарын жасау жоспарда бар.

Мердігер: «Курылыс Бизнес и К» ЖШС, жеке кәсіпкер «Аманбаева». Жұмыстарды оқу жылының басталуына дейін аяқтау жоспарлануда.