Ойын алаңы – шаттық мекені

Ұлытау ауданы Сарысу ауылында балалар ойын алаңы қолданысқа берілді. Мұнда балаларға арналған әртүрлі спорт құрылғылары бар.

Бұл балалардың бос уақытын тиімді өткізіп, тұрғындардың салауатты өмір салтын ұстанып, спортпен шұғылдануына мол мүмкіндік береді.

Ойын алаңдарын орнату жұмыстарына аудандық бюджет есебінен қаржы бөлініп, “Қатысу бюджеті” бағдарламасы арқылы іске асырылып отыр. Жұмыстарды жеке кәсіпкер «Дария» жүргізді.