Қарамаса қара пеш те қауіпті

От жағу мезгілі жауапкершілікті талап ететін күрделі кезең, оған түбегейлі дайындалып алу қажет. Осы уақытқа дейін болған өрттердің талдауына жүгінетін болсақ, барлық өрт пен жану жағдайларының жартысынан көбі жылыту құрылғыларын жəне от жағатын пештерді дұрыс қолданбаудың салдарынан.

Өрт – деген тілсіз жау, оның салдарынан адамдар баспанасынан, мүліктерінен айырылып қалулары мүмкін. Пештен шығатын өрттердің себебі пешті салу кезінде жіберілген өрт қауіпсіздік ережелерінің бұзушылықтары.

Пештерді қолдану кезінде жиі кездесетін бұзушылықтардың бірі ол жанатын құрылымдардан белгілі арақашықтықты сақтамау, от жағатын пештердің алдына 50х70 см. көлемінде қаңылтыр беттерін қақпау, сондай-ақ пештің үстіндегі жарық, сынған плиталарды пайдалану, пештің үстіне ағаш немесе киімдер кептіру.

Егер тұрғындар қарапайым өрт қауіпсіздік ережелерін қатаң түрде сақтап отыратын болса, қайғылы нəтижелерге əкеліп соғатын оқиғалардың алдын алуға болады.

Ұлытау ауданының Төтенше жағдайлар бөлімі барлық аудан тұрғындарына үйлеріңіздегі барлық пештерді мұқият тексеруді, саңылауларын сылауды, түтін шығаратын құдықтарын жəне түтін шығаратын құбырлардың дұрыс қалануы мен орнатылуын тексеруді, мұржаны əктеп қоюды естеріңізге салады.

От жағатын пештерді қолдану кезінде пештің қатты қызып кетуіне жол бермеу керек, себебі пеш қатты қызған кезде пештің қабырғалары жарылып кетеді, ал мұндай жағдай өрт көзі болуы мүмкін. Есіктері ашық немесе жартылай ашық жанып жатқан пештерді қараусыз қалдырмауды естеріңізге саламыз.

От жағуды балаларға тапсырмаңыздар. Пештің үстіне ағаштарды, киімдерді жəне жанатын басқадай заттарды жинамаңыздар жəне кептірмеңіздер.

Үйлеріңізді жылытуға қолдан жасалған құрылғыларды қолданбаңыздар.

Ақауы бар пештердің жарылуынан немесе саңылауларынан түтін шығуы арқылы иіс тиіп адам өміріне қауіп төндіруі мүмкін.

Осы қарапайым ережелерді сақтамасаңыздар өздеріңізге, балаларыңызға, жақындарыңызға жəне мүліктеріңізге қауіп-қатер төндіресіздер.

Құрметті азаматтар! Қарапайым өрт қауіпсіздік ережелерін сақтау – адамдарды мерт болудан жəне мүліктің жойылудан сақтап қалады.

Ұлытау ауданы ТЖ бөлімі.