Аудан әкімі журналистермен кездесті

Аудан əкімі Аманжол МЫРЗАБЕКОВ аудандық «Ұлытау» газетінің журналистерін қабылдады. Кездесуге аудандық мəслихаттың хатшысы Ахат ҚҰРМАНСЕЙІТОВ те қатысты.

Журналистермен жүздесу барысында аудан əкімі Аманжол Батырбекұлы ауданның тыныс-тіршілігін, əлеуметтік-экономикалық дамуын, өлке тарихын жан-жақты сипаттап жазуда журналистердің еңбегі зор екенін тілге тиек етіп, тілшілер қауымына шығармашылық табыс тіледі. Осындай аудан əкімімен ашық-жарқын əңгімелесу журналистердің көңілін марқайтты.

Көңілге көтеріңкі көңіл-күй сыйлаған шырайлы кездесуде аудан əкімі Аманжол Мырзабеков аудандық «Ұлытау» газетінің бас редакторы Альмира Мақсұтқызына «Қазақстан Журналистер одағының мүшесі» куəлігін табыс етті.

Өз кезегінде жергілікті БАҚ өкілдері арнайы қабылдау өткізген аудан басшысына ризашылықтарын білдірді.

Қайрат ЖҰМАБАЙ