Еңбектері еленді
Аудан әкімінің орынбасары Мақсұт Оспановтың төрағалығымен Қазақстан кәсіподақтар күніне орай іс-шара өтіп, кездесуге қатысушыларды мерекелерімен құттықтап, еңбектеріне табыс тіледі.
Мерекеге орайластырып өткізілген іс-шарада «Ұлытау аудандық ауыл шаруашылығы, қайта өңдеу ұйымдары және Мемлекеттік мекемелер қызметкерлерінің кәсіподағы» қоғамдық бірлестігінің төрағасы Шаяхмет Үмбетов аудандағы аталған ұйымдардағы кәсіподақ жұмыстары жөнінде баяндап, марапаттау рәсімін жасады.
Атап айтар болсақ, ҚР «Ауыл шаруашылығы ардагерлер Кеңесі» Қоғамдық бірлестігінің «Құрметті ардагер» төсбелгісімен аудан әкімінің орынбасары Мақсұт Оспанов, ауыл шаруашылығы қызметкерінің салалық кәсіптік одағының «Елеулі еңбегі үшін» медалімен аудандық ветеринарлық станция бөлімінің басшысы Серік Тәшенов, ІІІ дәрежелі «Еңбек даңқ» төсбелгісімен аудандық «Ұлытау» газетінің корректоры Әлия Әбітованы марапаттады.
