Облыста тұңғыш рет «Ulytau Go» жазғы лагері бастау алды

Жастарға арналған жазғы лагерь жұмысы үш күн бойы, яғни, 14-16 маусым аралығында жүргізіледі.

«ULYTAU GO» жобасының аясында ұйымдастырылған ауқымды іс-шараның міндеті:

* Облыс жастарының заманауи құзіреттіліктері мен қабілеттерін дамыту, олардың тұлғалық дамуы мен қалыптасуын шыңдау;
* Жастар саясатын дамыту мәселелері мен перспективаларын талқылау, жастар бастамаларын дамыту, түрлі республикалық, өңірлік бағдарламаларды іске асыруға жастардың қатысу деңгейін арттыру;
* Жастардың дүниетанымын кеңейту, салауатты өмір салтына насихаттау.

Жастардың басын біріктірген жазғы лагерьге ҚР Ақпарат және қоғамдық даму министрлігінің, облыстық әкімдік өкілдері, республикалық, облыстық деңгейдегі тренерлер, қоғамдық пікір көшбасшылары, әр түрлі деңгейдегі депутаттар, бизнес, БАҚ өкілдері және NEET санатындағы жастар, барлығы 60 адам қатысуда.