Мемлекеттік қызмет көрсету түрлері
«ҚР АШМ АӨК МИК Ұлытау аудандық аумақтық инспекциясы» мемлекеттік мекемесінің өсімдіктер карантині жөніндегі мемлекеттік инспекторы мемлекеттік көрсетілетін қызметтің 3 түрін көрсетеді. Мемлекеттік қызмет «Өсімдіктер карантині туралы» ҚР 1999 жылғы 11 ақпандағы №344-I Заңының 12-1 бабы және 13-бабы 4-1 тармағы және «ҚР аумағын карантиндiк объектiлерден және бөтен тектi түрлерден қорғау жөнiндегi» қағидасына сәйкес, төмендегідей мемлекеттік қызметтерді көрсетеді.
1.Карантинге жатқызылған өнімді шығаруға карантиндік және фитосанитариялық сертификат беру.
2.«Ғылыми-зерттеу мақсатында карантиндік объектілерді (карантиндік зиянды организмдерді) әкелуді келісу» мемлекеттік көрсетілетін қызметтері.
3.Карантинге жатқызылған өнімді мемлекетішілік тасымалдау (өсімдіктердің ішкі карантині) кезіндегі қорғау тәртібі.
4.«Өндіріс обьектісінің реттік нөмірі астық пен оның өнделген өнімдерінің карантиндік арамшөп өсімдіктерінің тұқымдары мен жемістерін тіршілік ету қабілетінен айыруды қамтамасыз ететін технологиялар бойынша өңдеу және (немесе) сүректі қаптама материалын залалсыздандыру мен таңбалауды жүзеге асыратын өндіріс обьектілеріне есепке алу нөмірін беру»
«Қазақстан Республикасының аумағын карантиндiк объектiлерден және бөтен тектi түрлерден қорғау жөнiндегi қағидаларды бекіту туралы» ҚР Ауыл шаруашылығы министрінің 2015 жылғы 29 маусымдағы № 15-08/590 бұйрығына өзгеріс енгізу туралы Қазақстан Республикасы Ауыл шаруашылығы министрінің 2020 жылғы 26 мамырдағы № 186 бұйрығы
1.Карантинге жатқызылған өнімді шығару
Карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат алу үшін жеке немесе заңды тұлға (бұдан әрі – көрсетілетін қызметті алушы) «электрондық үкіметтің» www.egov. kz веб-порталы (бұдан әрі – портал) арқылы не аумақтық бөлімшенің (көрсетілетін қызметті берушінің) кеңсесі арқылы не «Азаматтарға арналған үкімет» мемлекеттік корпорациясы (бұдан әрі – Мемлекеттік корпорация) арқылы тиісті аумақтық бөлімшеге жүгінеді және мыналарды ұсынады:
— осы Қағидаларға сәйкес нысан бойынша карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат алуға арналған өтініш; көрсетілетін қызметті алушы өкілінің жеке басын куәландыратын құжат және (немесе) өкілеттігін куәландыратын құжат (аумақтық бөлімшенің (көрсетілетін қызметті берушінің) кеңсесіне және Мемлекеттік корпорацияға жүгінген кезде жеке басын сәйкестендіру үшін талап етіледі).
Портал арқылы жүгінген кезде жеке тұлғаның жеке басын куәландыратын құжат туралы, заңды тұлғаны тіркеу (қайта тіркеу), дара кәсіпкерді тіркеу туралы не дара кәсіпкер ретінде қызметін бастағаны туралы мәліметтерді аумақтық бөлімше (көрсетілетін қызметті беруші) және көрсетілетін қызметті алушы «электрондық үкіметтің» шлюзі арқылы тиісті мемлекеттік ақпараттық жүйелерден алады.
Фитосанитариялық сертификат немесе оны беруден уәжді бас тарту өтініш берілген күннен бастап 3 (үш) жұмыс күнінен аспайтын мерзімде қағаз нысанда ресімделеді.
Мемлекеттік корпорацияға жүгінген кезде өтінішті қабылдау күні мемлекеттік қызмет көрсету мерзіміне кірмейді.
Көрсетілетін қызметті алушы аумақтық бөлімшенің (көрсетілетін қызметті берушінің) кеңсесіне не порталға жүгінген кезде: аумақтық бөлімше (көрсетілетін қызметті беруші) кеңсесінің қызметкері карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат беруге арналған өтінішті келіп түскен күні тіркейді және оны аумақтық бөлімшенің (көрсетілетін қызметті берушінің) басшысына қарауға береді, ол өсімдіктер карантині жөніндегі жауапты мемлекеттік инспекторды тағайындайды;
2) өсімдіктер карантині жөніндегі жауапты мемлекеттік инспектор: өтініш келіп түскен күннен бастап 2 (екі) жұмыс күні ішінде ұсынылған құжаттар мен өтініште қамтылған мәліметтердің толықтығын және дұрыстығын қарайды; карантинге жатқызылған өнімнің фитосанитариялық жай-күйін анықтау үшін қажет болған жағдайда, көрсетілетін қызметті алушының қатысуымен үлгілерді іріктей отырып, карантинге жатқызылған өнімді тексеріп қарауға барады; карантинге жатқызылған өнімді тексеріп қарау негізінде 1 (бір) жұмыс күні ішінде карантиндік фитосанитариялық бақылау және қадағалау актісін ресімдейді;
Фитосанитариялық сертификатты немесе оны беруден уәжді бас тартуды ресімдеу өтінішке карантинге жатқызылған өнімнің мәлімделген партиясының межелі елдің карантиндік фитосанитариялық талаптарына сәйкестігін растайтын осы Қағидаларға сәйкес нысан бойынша өтініш берілген күнге дейін 7 (жеті) күнтізбелік күннен асырмай берілген карантиндік фитосанитариялық сараптама қорытындысы қоса берілген карантинге жатқызылған жылдам бұзылатын өнімді (жемістер, жидектер, көкөністер, бақша дақылдары) Қазақстан Республикасының аумағынан әкету үшін фитосанитариялық сертификат беруге арналған өтініш келіп түскен кезде 3 (үш) жұмыс сағаты ішінде жүзеге асырылады.
Фитосанитариялық сертификаттың түпнұсқасы карантинге жатқызылған өнімді жөнелтушіге беріледі, көшірмесі аумақтық бөлімшенің (көрсетілетін қызметті берушінің) іс қағазында сақталады.
2.Қазақстан Республикасының аумағына карантиндік объектілерді (карантиндік зиянды организмдерді) ғылыми-зерттеу мақсаттарында әкелу
Карантиндік объектілерді ғылыми-зерттеу мақсатында әкелуге келісім-хат немесе оны беруден уәжді бас тарту өтініш берілген күннен бастап 3 (үш) жұмыс күнінен аспайтын мерзімде ресімделеді.
Өсімдіктер карантині жөніндегі жауапты мемлекеттік инспектор өтініш түскен күннен бастап 3 (үш) жұмыс күні ішінде: ұсынылған құжаттар мен өтініште қамтылған мәліметтердің толықтығын және дұрыстығын қарайды; 1 (бір) жұмыс күні ішінде аумақтық бөлімшенің (көрсетілетін қызметті берушінің) басшылығы келісім-хатқа немесе уәжді бас тартуға қол қояды және аумақтық бөлімшенің (көрсетілетін қызметті берушінің) кеңсесіне береді.
Карантиндік объектілерді ғылыми-зерттеу мақсатында әкелуге арналған келісім-хат әрбір карантиндік объектіге беріледі және берілген күннен бастап 6 (алты) ай бойы жарамды болады.
3.Карантинге жатқызылған өнімді мемлекетішілік тасымалдау (өсімдіктердің ішкі карантині) кезіндегі қорғау тәртібі
Облысаралық тасымалдау кезінде карантинге жатқызылған өнімнің карантиндік жай-күйін өсімдіктер карантині жөніндегі мемлекеттік инспекторлар бастапқы тиеп-жөнелту орындарында және қайталама карантинге жатқызылған өнім пайдаланылатын жерде куәландырады.
Көрсетілетін қызметті алушылар портал арқылы карантинге жатқызылған өнімді Қазақстан Республикасының аумағында тасуға карантиндік сертификат алу үшін осы Қағидаларға сәйкес нысан бойынша өтініш жібереді.
Жеке тұлғаның жеке басын куәландыратын құжат туралы, заңды тұлғаны тіркеу (қайта тіркеу), дара кәсіпкерді тіркеу туралы мәліметтерді не дара кәсіпкер ретінде қызметінің басталғаны туралы хабарламаны аумақтық бөлімше (көрсетілетін қызметті беруші) және көрсетілетін қызметті алушы «электрондық үкіметтің» шлюзі арқылы тиісті мемлекеттік ақпараттық жүйелерден алады.
Карантиндік сертификат немесе оны беруден уәжді бас тарту 1 (бір) жұмыс күнінен аспайтын мерзімде ресімделеді.
Карантиндік сертификат өсімдіктер карантині жөніндегі мемлекеттік инспектордың электрондық цифрлық қолтаңбасымен куаландырылған электрондық құжат нысанында беріледі.
4.Өндіріс обьектілеріне есепке алу нөмірін беру
Есепке алу нөмірін беру немесе оны беруден уәжді бас тарту оны алуға өтінім берілген күннен бастап он жұмыс күні ішінде ресімделеді.
Есепке алу нөмірін беруден уәжді бас тарту үшін мыналар негіз болып табылады: карантинге жатқызылған объектінің қойылатын карантиндік фитосанитариялық талаптарға сәйкес келмеуі; карантинге жатқызылған объект аумағында карантинді объектілердің таралу ошақтарының анықталуы; «Мемлекеттік көрсетілетін қызметтер туралы» ҚР Заңында көзделген өзге де негіздер.
Есепке алу нөмірін кері қайтарып алу үшін мыналар негіз болып табылады: карантинге жатқызылған объект аумағында карантинді объектілердің таралу ошақтарының анықталуы; карантиндік фитосанитариялық талаптардың бұзылуы; астық пен оны қайта өңдеу өнімдерін карантиндік арамшөп өсімдіктерінің тұқымдары мен жемістерін өміршеңдіктен айыруды қамтамасыз ететін технологиялар бойынша қайта өңдеу арқылы алынған өнімде тірі және (немесе) өміршең карантинді объектілердің анықталуы; зарарсыздандырылған және таңбаланған ағаш қаптама материалында тірі және (немесе) өміршең карантинді объектілердің анықталуы; «Мемлекеттік көрсетілетін қызметтер туралы» ҚР Заңында көзделген өзге де негіздер.
ҚР АШМ АӨК МИК Ұлытау аудандық аумақтық инспекциясы.
