ҰЛЫТАУ СПОРТ МЕКТЕБІНДЕ – ЖАҢА БАСШЫ

Ұлытау облысының дене шынықтыру және спорт басқармасы басшысының бұйрығымен 2023 жылғы 29 тамыз “Ұлытау аудандық балалар мен жасөспірімдер спорт мектебі” КММ басшысы болып Қанат Сәбиғазыұлы Жылқыбаев тағайындалды.

Ұлытау ауданының әкімі Аманжол Мырзабеков пен Ұлытау облысы спорт басқармасының басшысы Дидар Мұталипов жаңа басшыны ұжым қызметкерлеріне таныстырды. Сондай-ақ, бұрынғы басшы Марғұлан Сәбденовтің облыс орталығына басқа қызметке ауысуына байланысты алдағы ісіне сәттілік тіледі.

Қанат Жылқыбаев 1987 жылы дүниеге келген.

2004-2008 жылдары академик Е. Бөкетов атындағы Қарағанды мемлекеттік университетінің “Дене шынықтыру және спорт” мамандығы бойынша бітірген.

Еңбек жолы 2008 жылы «Балалар мен жасөспірімдер спорт мектебі» жаттықтырушы;
2009 жылы мектеп жанындағы кіші спорт кешенінің меңгерушісі;
«№1 тірек мектебі (РО)» КММ дене шынықтыру пәнінің мұғалімі.
2019 жылы «№1 тірек мектебі (РО)» КММ директоры;
2012 жылы Ұлытау аудандық Білім бөлімінің әдіскері;
Аталған лауазымға тағайындалғанға дейін Ұлытау аудандық білім қызметкерлерінің кәсіподағының төрағасы қызметін атқарған.