Ұлытау облысы полиция департаментінің бастығы тағайындалды
Қайыркен Әлиев Ұлытау облысының Жаңаарқа ауданында дүниеге келген. Полиция полковнигі. Екі жоғары білімі бар.
Ішкі істер органдарында 2000 жылдан бері қызмет етеді. Қарағанды облысы Ішкі істер департаментінің бөлімшелерінде кәмелетке толмағандар істері жөніндегі учаскелік полиция инспекторынан бастап жедел уәкілге дейін түрлі қызметтер атқарған. 2009 жылы Балқаш қалалық ішкі істер басқармасының ұйымдасқан қылмыспен күрес бөлімінің бастығы қызметін атқарған.
2009 — 2010 жылдары Қарағанды облысы ІІД Ұйымдасқан қылмысқа қарсы күрес басқармасының Теміртау қаласы бойынша ұйымдасқан қылмысқа қарсы күрес басқармасының бастығы. 2013 — 2018 жылдары Теміртау қалалық ішкі істер басқармасы бастығының орынбасары, Саран қалалық ішкі істер бөлімінің бастығы.
2018 — 2022 жылдары Қарағанды облысы полиция департаменті бастығының орынбасары.
2022 жылдың тамыз айынан бастап тағайындалғанға дейін Ұлытау облысы полиция департаменті бастығының міндетін атқарды.
