Колледждерге құжат қабылдау мерзімі ұзартылды

Елімізде колледждерге құжат қабылдау және конкурстық іріктеу мерзімі ұзартылды. Бұған «eGov» порталы мен «Ұлттық білім беру деректер қоры» ақпараттық жүйесінде туындаған техникалық ақаулар себеп болды. Жүктеменің шамадан тыс көп болуына байланысты талапкерлердің өтінім беру кезінде уақытша қиындықтар байқалған.

Жауапты министрлік барлық ақаулардың жойылғанын хабарлады. Сонымен қатар талапкерлерге ыңғайлы болуы үшін құжат қабылдау мерзімі ұзартылды. Атап айтқанда:

⏺шығармашылық дайындықты қажет ететін мамандықтар бойынша – 24 тамызға дейін;

⏺педагогикалық және медициналық мамандықтар бойынша – 25 тамызға дейін;

⏺орта буын мамандарын даярлайтын мамандықтар бойынша – 27 тамызға дейін құжат қабылданады.