«Ізгілік жолында» қайырымдылық шыршасы өтті
Аудандық Мəдениет үйінде мүмкіндігі шектеулі жəне аз қамтылған отбасылардан шыққан балаларға арналған жаңа жылдық шырша кеші өтті. «Тау Ұлы» ЖШС-нің қолдауымен, аудан əкімдігі мен аудандық жұмыспен қамту жəне əлеуметтік бағдарламалар бөлімі ұйымдастырған мерекелік шараға аудан бойынша 50 бүлдіршін қатысты.
Жаңа жыл шыршасына аудан əкімі Аманжол Батырбекұлы қатысып, барша бүлдіршіндердің армандары мен тілектерінің орындалуына тілектестігін білдірді. Бұдан кейін ертегі кейіпкерлерінің қойылымдары ұсынылып, концерттік бағдарлама ұйымдастырылып, ертегілер əлемі қаһармандарының түрлі қойылымдары сомдалды.
Балаларды əлеуметтік ортаға бейімдеу, олардың бойына өмір ге деген құштарлық нəрін себу мақсатында ұйымдастырылған шара барысында бүлдіршіндерге жеке кəсіпкер Қайрат Байболов мерекелік тəттілер мен түрлі сыйлықтар үлестірді.
Өз тілшімізден.
