БАСЫМ БАҒЫТ – ӘЛЕУМЕТТІК НЫСАНДАРДЫ ЖЫЛЫТУ МАУСЫМЫНА САПАЛЫ ЖЕТКІЗУ
Жезқазғанның батыс ауданындағы барлық әлеуметтік нысанның (Көпбейінді аурухана, қарттар үйі, мешіт, Абай атындағы мектеп-интернаты мен жатақханасы) жылу сапасын арттыруға арнайы жоба жүргізілуде.
Аталған аумаққа Ұлытау облысы әкімінің тапсырмасына сәйкес газбен жұмыс істейтін қосымша қазандық салынуда. Ол жоба — нысандарда қызу температурасы әлсірегенде, ауыспалы кезең уақытында және оларды жазда ыстық сумен қамтамасыз ету мақсатында қолға алынды.
Өңір басшысы Берік Әбдіғалиұлы Абай атындағы мамандандырылған мектеп-интернатына арналған жатақхана құрылысы мен қатарындағы өзге де әлеуметтік нысандарды жылуға қосуда атқарылып жатқан шараларды бақылады.
«Жатақхана – қанша дегенмен, балалар тұрғылықты тұратын орын. Сол себепті жылу сапасына сенімді болуымыз қажет. Резерв ретінде салынып жатқан қазандықтың құрылысы жыл соңында аяқталғанын күтпей, орталықтандырылған жылу желісіне де қоса беруіміз қажет. Ол жұмыстарды жатақхана аумағын абаттандырудың алдында аяқтауды тапсырамын» – деді өңір басшысы өз сөзінде.
Қазіргі уақытта Абай атындағы мектеп-интернатына арналған 200 орындық жатақхананың ішкі әрлеу жұмыстары атқарылып жатыр. Нысанның ішкі-сыртқы есіктері, терезелері орнатылуда.
#ұлытау_облысы
#ұлытауоблысы
#ұлытауоблысына2жыл
#ұлытауоблысы2жыл
#ұлытауоблысыекіжыл
#ұлытауоблысынаекіжыл
