Ұлытау облысының жастары үшін нақты мүмкіндіктер
Облыс әкімінің орынбасары Ғ.М. Құсманғали қаланың жас белсенділерімен кездесіп, Ұлытау облысының жастар кәсіпкерлігін гранттық қолдау бойынша жаңа жобаның іске қосылуын жариялады.
Жобаның жалпы сомасы 100 млн. тг құрайды! Жоба Ұлытау облысының 18-29 жас аралығындағы барлық жастарына арналған. Кездесу барысында өңір жастары үшін болашақ жобаны ашатын жаңа мүмкіндіктер талқыланды. 
Спикердің айтуынша, жобаны іске асыруға кез келген жас адам қатыса алады. Жалғыз талап — шығармашылық бизнес-идеяның болуы.
Жас белсенділер, пікір көшбасшылары бұл жобаны толығымен қолдап, оны ақпараттық ілгерілетуге өз көмегін ұсынды. Ол үшін қала белсенділерімен жұмыс тобы құрылады.
Өтінімдерді жинау бір айдан кейін басталады деп күтілуде.
Сонымен қатар, әкімнің орынбасары Халықты жұмыспен қамту орталығы мен Бизнес Бастау желісі бойынша жастар кәсіпкерлігін гранттық қолдау бойынша тағы бір құралдың іске асырылу барысы туралы хабарлады. Осы жоба бойынша 400 АЕК немесе 1 225 000 теңге мөлшерінде біржолғы гранттар берілетін болады.Бұл жоба жастар мен халықтың әлеуметтік осал топтарына арналған. Осы жобаға қатысу үшін өтінімдерді жинау жүріп жатыр.Кездесу жағымды көңіл-күйде және ең бастысы нәтижелі өтті. Жастар белсенділерінің тілектері осындай форматтағы кездесу жиірек өтуі тиіс.
