Ұлытауда «DRIVE FORUM BURABAY-ULYTAU» халықаралық форумы өтті
Маусым айының 24-26 аралығында «Drive forum Burabay-Ulytau» атты форум мүшелері ауданымызға келді. Форумға Қазақстан, Түркия, Ресей, Әзірбайжан, Қырғызстан, Өзбекстан және Тәжікстаннан келген саяхатшылар болды.
«Жоба идеясы 2019 жылы пайда болған. Оның мақсаты-Қазақстанға және оның бірегей тарихына халықаралық қызығушылықты арттыру. Сонымен қатар, бұл жол жүру көшбасшылары арасында оқу және тәжірибе алмасу.
Автоэкспедиция маусым айының 26-і күні қорытындыланды. Ұлытау сапар орталығында өткізілген форумда Ұлытау облысының әкімі Берік Әбдіғалиұлы арнайы келіп, қонақтармен сұхбаттасып, Алтын Орда тарихының маңыздылығына тоқталып өтті. Бұдан кейін форумға қатысушылар да сөз алып, бұл форумнан алған әсерлерімен бөлісті.
Соңында аудандық мәдениет үйінің көркем өнерпаздары қазақтың ұлттық музыкалық аспабы домбырымен қазақ күйлерін шертіп, көпшіліктің ыстық қошеметіне ие болды.
