ҚҰРМЕТТІ АУДАН ТҰРҒЫНДАРЫ! ҚЫМБАТТЫ ЖЕРЛЕСТЕР!

Баршаңызды жер бетіндегі барлық мұсылман қауымы үшін ұлық мереке – Ораза айт мейрамымен шын жүректен құттықтаймыз!

Айлардың төресі, күллі мұсылман баласы үшін қасиетті Рамазан айымен қимай қоштасатын күнге де жеттік.

Ораза айт – кең пейілділік пен жомарттықтың, бауырмалдық пен қайырымдылықтың мерекесі.

Әрбір шаңыраққа баянды бақыт, қуаныш әкелетін әлем мұсылмандарының мерейлі мерекесі Ораза айтпен құттықтай отырып, отбасыларыңызға амандық, елімізге береке-бірлік тілейміз. Ораза айт мерекесінде жасаған барлық ниет-тілектеріңіз қабыл болсын!

Халқымыздың береке-бірлігі мен ырыс-несібесі әрдайым арта берсін!

Ораза айт құтты болсын!