Абай елі – ұлт рухының бесігі

Таяу арада өткен Семейдегі Абай Құнанбаевтың 180 жылдығына арналған той – ел рухын асқақтатқан, ұлт бірлігін нығайтқан рухани шара болды. Алаштың рухани астанасы атанған қасиетті мекенге еліміздің түкпір-түкпірінен зиялы қауым өкілдері жиналды. Біз де Ұлытау облысының делегациясы құрамымен барып, Абай рухына тағзым етіп қайттық.

Мәні мен сәні келіскен Абай тойында 180 үй тігіліп, семейліктер тойға келген меймандарды меймандос көңілмен қарсы алды. Бұл той бұрынғыдан өзгерек, жаңа форматта ұйымдастырылыпты. Жәй ғана мерейтой емес, ой ойласуға, рух пен сана биігінен үндесуге арналған тағылымды басқосу болды. Осы жолғы той, Абай жолы – ұлттың жолы екенін айқын көрсетті. Сөйтіп, ұлт жолы – жүректен шыққан рухпен үндесіп жатты. Біз де Абай еліне тойды көру үшін емес, рухтану үшін бардық. Өйткені, Абай мұрасы – ұлтқа қалдырған ең ұлы аманат. Сол аманат алдындағы жауапкершілікті сезіну – Абай елінен алған ең қымбат рухани азығымыз болды. Абай тойынан көңілге түйген ойдың бір парасы осы.

Серік ТАШЕНОВ,
аудандық ардагерлер
кеңесінің төрағасы.