Жоғары оқу орындарына түсу үшін педагогикалық мамандықтар бойынша ҰБТ-ның шекті балы ұлғайтылды

Биылғы жылы педагогикалық бағыттар бойынша білім беру грантын тағайындау конкурсына қатысу үшін ҰБТ-ның шекті балы 75 баллға дейін ұлғайтылды. Бұрын ол 50 балл болған.

Өткен жылы педагог мамандығын таңдаған «Алтын белгі» иегерлерінің саны екі есеге артты. Ал педагогикалық мамандыққа түскендердің орташа балы 90 баллға жетті.

Білім беру грантын тағайындау конкурсына қатысу үшін немесе ақылы негізде оқуға түсу үшін осы жылы келесідей шекті баллдар белгіленді:

— «Педагогикалық ғылымдар» – кемінде 75 балл;

— «Денсаулық сақтау және әлеуметтік қамтамасыз ету (медицина)» — кемінде 65 балл;

— «Ауыл шаруашылығы және биоресурстар», «Ветеринария» — кемінде 60 балл.

Ұлттық жоғары оқу орындарына түсу үшін – кемінде 65 балл, басқа жоғары оқу орындарына түсу үшін – кемінде 50 балл.

ҚР Білім және ғылым министрлігі баспасөз қызметінің ақпараты бойынша