Құрметті Ұлытау ауданының тұрғындары!
ҚР Президентінің 5.02.2016 жылғы №190 Жарлығына сәйкес өткен жылы атқарылған жұмыстар туралы барлық деңгейдегі әкімдердің халық алдындағы есептік кездесулері өтуде. Бекітілген кестеге сәйкес, 2021 жылдың 5 ақпанында сағат 11:00-де Ұлытау ауданы әкімінің міндетін атқарушы Бағдат Тілеуліұлы Байжантаевтың есеп беру кездесуі өтеді.
Пандемияға байланысты азаматтардың қауіпсіздігі мақсатында есеп беру онлайн режимінде, Ұлытау ауданы әкім аппаратының ресми парақшасы: Instagram — @ulytau.akimat және «Ақшам» телеарнасының ютуб каналында тікелей эфирде өтетін болады. Аудан тұрғындарынан сұрақтар, ұсыныстар, ескертулер жинау үшін арнайы жәшік орнатылды: Ұлытау аудандық мәдениет үйі, Абай көшесі-1. Өтініштерді тіркеу және одан әрі бақылау үшін аты-жөнін, мекен-жайын және байланыс телефондарын көрсету қажет және @ulytau.akimat парақшасында DIRECT-те қалдыруға болады. Барлық келіп түскен сұрақтарға есеп беру кездесу кезінде жауап берілетін болады. Халықтан келіп түскен барлық ескертулер мен ұсыныстар бойынша жауапты мамандарды және оларды іске асырудың нақты мерзімдерін көрсете отырып, іс-шаралар жоспары әзірленеді.
