Президент Қасым-Жомарт Тоқаев қазақстандықтарды Жаңа жылмен құттықтады
«2023 жыл Қазақстан үшін табысы мен тауқыметі қатар келген жыл болды. Өмірде қуаныш пен қиындықтың алма кезек болуы — заңдылық. Бірақ біз еңсемізді тік ұстап, келешекке әрдайым сеніммен қараймыз. Қазақстан стратегиялық бағдары айқын ел ретінде тұрақты дамып келе жатыр. Біз ынтымақ, бірліктің, қажырлы еңбектің арқасында ауқымды іс-шаралар атқардық.
Бүгін Жаңа жыл қарсаңында жұмыс істеп жатқан жандарға арнайы құттықтауымды жолдаймын. Сіздер елімізге адал қызмет етіп жүрсіздер. Жаңа жыл әр шаңыраққа, әр азаматқа қуаныш пен шаттық әкелсін!» — деді Мемлекет басшысы.
