Мәселелер оң шешімін табуда
Аудан əкімі Аманжол МЫРЗАБЕКОВ жұмыс сапарымен Егінді ауылына барды. Аудан басшысы алдымен аудандық бюджет есебінен ағымдағы жөндеу жұмыстары жүріп жатқан Мəдениет үйінің құрылысын барып көрді. Одан кейін жөндеу жұмыстары жүргізілген жергілікті əкімдіктің ғимаратында болды.
Құрылыс нысандарын аралаған соң аудан əкімі Егінді ауылы мектебінің ғимаратында ауыл тұрғындарымен кездесу өткізді. Ауыл əкімі Марғұлан Əлмағанбетов атқарылған жұмыстары жəне алдағы жұмыс жоспары жөнінде баяндады. Жиын барысында аудан басшысы ауылда атқарылып жатқан жұмыстарды айта келе, алдағы уақытта шешімін күтіп тұрған жұмыс жоспарындағы мəселелерге де тоқталып өтті.
Сондай-ақ, ауыл тұрғыны, көпбалалы ана Əйгерім Нұрымоваға «Күміс алқа» белгісін табыс етті. Жиын соңында ауыл тұрғындары өз ұсыныс-пікірлерін айтып, ауылда атқарылып жатқан жұмыстарға ризашылықтарын білдіріп, аудан əкімінің жұмысына сəттілік тіледі.
Аудан əкімінің баспасөз қызметі.
