Қарағандылықтар республикалық байқаудың жеңімпаздары атанды
Қарағандының Достық үйінде Қазақстан Республикасының Тәуелсіздік күніне арналған #TUGAN JER республикалық байқауының жеңімпаздары марапатталды.
Естеріңізге сала кетейік, қараша айында Қазақстан халқы Ассамблеясы #TUGAN JER республикалық байқау өтетіні туралы жариялаған болатын. Зияткерлік жарыстың мәні БАҚ пен әлеуметтік желілерде өңірдің тарихы, жергілікті топонимия, өлкетану, танымал адамдар және олардың ел мен белгілі бір облыстың дамуына қосқан үлесі туралы ақпараттық науқан өткізу болды. Қатысушының жобасы келесідей өошемшарттарға сәйкес болуы тиіс: мемлекеттік және орыс тілдерінде жариялануы; фотоиллюстрациямен немесе бейнесюжетпен сүйемелденуі тиіс; байқауға қатысушы өз жарияланымында Қазақстан халқы Ассамблеясының және ҚХА «Жаңғыру жолы» республикалық жастар қозғалысының аккаунттарын белгілеп, #TUGAN JER #JANGYRUJOLY хештегін көрсетуі тиіс еді.
Байқау жеңімпаздары: Алина Аркенова, Қарағанды қаласының №102 мектеп-гимназиясы, суретші Кәріпбек Күйіков туралы жоба; Дильназ Өтешева және Анель Бейбіт, Орал қаласының №41 жаратылыстану-математика бағытындағы мектеп-лицейінің оқушылары «Батырын ұлықтайтын ұрпақ қөп болсын! Хиуаз Доспанова»; Қарағанды қаласының №62 орта мектебінің оқушысы Диляра Өтісмішева «Ерлік пен ізгіліктің үлгісі. Мұхамедхан Сейітқұлов пен Қайым Мұхамедханов — Отан патриоттары».
Тағы бес қарағандылық естелік сыйлықтар алды.
