№724 Тайжан сайлау учаскесі таңғы сағат 07.00-де өз жұмысын бастады
Ұлытау ауданының орталығында орналасқан №724 Тайжан сайлау учаскесі таңғы сағат 07.00-де өз жұмысын бастады.
Кезектен тыс Президент сайлауына қатысушылардың белсенділігі жоғары. Бұл сайлау учаскесінде 764 адам дауыс береді деп күтілуде. Аудан орталығындағы бес көшенің тұрғындары осында тіркелген.
Ашылу салтанатын 724 Тайжан сайлау учаскесінің төрағасы Марат Оразалин жүргізді. Алғашқы сөзді алған аудандық ардагерлер кеңесінің төрағасы Әлімбек Жандарбеков сайлаудың ел келешегі үшін маңыздылығына тоқталып, саяси айшықты шараға сәттілік тіледі.
5 байқаушы тіркелген.
