Жолаушылар назарына!

Биылғы жылдың желтоқсан айының алғашқы күндерінен бастап ауа-райы қолайсыздығына қарамай жолға шыққан жолаушылардың жолда қалып, өз күштерімен межелеген жерге жете алмағандығы жөнінде жайттар тіркелді.

Көмекке жіберілген күш құрамдары жолда қалған азаматтарға барғанда олардың көмегіне қайшы әрекеттер жасап жататындары да аз емес. Көмекке барған қызметкерлерге азаматтар өздерімен бірге автокөліктерін де қоса алып кетулерін талап етеді.

Алайда, құтқарушылардың азаматтарға өздерін ғана жеткізе алатындықтарын айтқанда көптеген түсініспеушіліктер болатындықтары өкінішті. Осындай жағдайларда көптеген кедергілердің болуынан бөлім қызметкерлерінің уақыттары жоғалады. Осындай келеңсіздіктен бөлімге түскен басқа да хабарламаларға баруға кедергі болып жатады.

Негізінде осындай оқиғаларға өзіміздің күнделікті ауа-райы мәліметтеріне және ұялы байланыс арқылы келген ескертулерге аса мән бермейтініміз айдан анық.

Ауа райы мәліметтерін біле тұра жолға шығу қауіпті екендігін назарыныздан тыс қалдырмағандарыңыз жақсы болар еді. Жолға шығу ауа райы қолайсыздығын біле тұра, ол дегеніміз өзіңіздің және жаныңыздағы жолаушыларды ғана емес құтқаруға шыққан қызметкерлерді аса қауіпті жағдайда қалдыру екенін естен шығармаңыздар!

Яғни, бөлім қызметкерлерінің уақытын алуларыңыз жолда қалған басқадай азаматтарды құтқаруға кедергі жасайтындарыңызды есте сақтап, құтқару топтарының жұмыстарына түсіністікпен қарап, қызметкерлердің қойған талаптарын орындап, жауапкершілікпен қарағандарыныз жөн. Сонымен қатар, жолға шығарда автокөліктің сақадай сайлығында қарамаймыз өзімізбен бірге құрғақ тамақ, күрек, оттық (паяльная лампа), тросс, тас шам, дәрі-дәрмектер, жылы киімдер, т.б керек-жарақтарды алмайтынымыз айдан анық.

Бұл дегеніміз өз өміріңіз бен жақындарыңыздың өміріне аса салғырттықпен қарағанымыз.

Жоғарыдағы мәліметтерді қорыта келе, аудан көлемінде қыс мезгілі наурыз айының аяғына дейін сақталатыңдығын ескерте отырып алыс жолға шығарда ауа-райын зерттеу орталығының берген шұғыл СМС хабарламаларына зейін қойғандарыңыз абзал екенін ескертеміз.

М.ИСМАЙЛОВ,

Ұлытау ауданы

ТЖ бөлімінің аға инженері,

азаматтық қорғау аға лейтенанты.