Жезқазғанда әскерге шығарып салу рәсімі өтті
Облыс орталығында «Отанды қорғау – менің борышым» патриоттық акциясы аясында әскерге шақырушыларды Қарулы Күштер қатарына салтанатты түрде шығарып салу рәсімі өтті.
Отан алдындағы әскери борышын абыройлы өтеуге Қарағанды қаласынының 31775 әскери бөліміне 25 жас аттанды.
Салтанатты шарада Ұлытау облысы әкімінің әскери қауіпсіздік жөніндегі көмекшісі Мұхтар Қайшатаев, Ұлытау облысының қорғаныс істері жөніндегі департаментінің бастығы Ерен Мейрембеков, ҚР Қарулы Күштер ардагері Марат Райымбеков сөз сөйлеп, жас ұландарға сәттілік тіледі.
Сондай-ақ жиын барысында департаменттің бірқатар қызметкері Ұлытау облысы әкімінің және облыстық Қорғаныс істері департаментінің Алғыс хаттарымен марапатталды.
