«Жарқын ғажайып» клубы облыстың барлық тұрғындарын байқауға қатысуға шақырады

«Жарқын ғажайып» игі істер клубы «Менің ең жақсы бұқа жылым» және «Жарқын ғажайып» тақырыбында ең ерекше мерекелік ашық хат, сурет, өлең және ұранға конкурс жариялады!.

Байқауға Қарағанды облысының барлық балалары да, үлкендері де қатыса алады. Өтінімдер 10 қаңтарға дейін қабылданады.

— Егер бір адамнан ашықхаттар, суреттер, өлеңдер мен ұрандардың бірнеше нұсқасы болса, сәйкесінше байқаудың жеңімпазы болып, бірнеше жүлделі орынға ие болу мүмкіндігі артады, — дейді клуб жетекшісі Реджина Такта.

Өз туындыларыңызды келесі WhatsApp нөміріне жіберуге болады: +7-778-100-29-85. Хатта міндетті түрде аты-жөні мен туған күнін көрсету, сондай-ақ өз фотосуретіңізді қоса беру қажет.

Байқау қорытындысында төрт номинация бойынша 12 жеңімпаз таңдалады: «Үздік ашық хат», «Үздік сурет», «Үздік өлең» және «Үздік ұран».

Сыйлық ретінде ұйымдастырушылар жұмсақ ойыншықтар мен кеңсе тауарларын сыйға тартпақ.

Instagram әлеуметтік желісінде «Жарқын ғажайып» клубының барлық мәліметтерімен танысуға болады.