Жануарларды қорғаушы еріктілерге шағын гранттар беру конкурсына қатысуға өтінімдер қабылдау басталды

Қазақстанда жануарларға жауапкершілікпен қарауды қалыптастыруға бағытталған Birgemiz: Аyala жобасы аясында волонтерлерге арналған шағын гранттар байқауы жарияланды. Әрбір жобаға 500 мың теңгеден бес грант бөлінеді.

Байқауға еліміздің барлық өңірлерінің тұрғындары қатыса алады, алайда жоба Нұр-Сұлтан аумағында жүзеге асырылады.

Ол 2021 жылдың 29 сәуірінен 25 мамырына дейін өткізіледі. Бір тақырып бойынша бір қатысушыдан бірден артық өтінім беруге жол берілмейді. Байқау ережесін Instagram @league_volunteers және @birgemiz.ayala профильдерінің сипаттамасынан табуға болады.

Шағын гранттар беру конкурсы келесі бес тақырып бойынша өтеді:

1. Балалар мен жасөспірімдер арасында адамгершілік қарым-қатынасты қалыптастыру бойынша акциялар.

2. Жануарларға деген қарым-қатынас мәдениетін өзгертуге бағытталған флешмоб.

3. Қоғамның назарын аударуға арналған жануарлар фотокөрмесі.

4. Тегін ветеринарлық қызмет көрсету.

5. Жануарларға жауапкершілікпен қарауды қалыптастыруға бағытталған әлеуметтік бейнелер.

Birgemiz: Ayala жобасы «Азаматтық бастамаларды қолдау орталығы» КЕАҚ мемлекеттік гранты аясында жүзеге асырылуда.