Жаңа кабинеттер жабдықталды

Балаларға сапалы білім беру үшін мектептердің материалдық-техникалық базасы да уақыт ағымына сай болуы керек. Бұл бағытта Мемлекет басшысы Қасым-Жомарт Тоқаев өзінің Жолдауларында да айтып келеді.

Бұл бағытта ауданымызда ауыз толтырып айтатын істер аз емес. Соңғы жылдары аудан орталығын айтпағанда ауылдардағы мектептердің де оқу базасы жетілдірілуде. Бүгінде интерактивті тақтасы жоқ бір сыныпты көре алмайсыз. Енді заманауи үлгідегі сыныптар да жабдықталып жатыр. Мәселен, Сарысу ауылындағы №7 орта білім беретін мектебіне облыстық бюджет есебінен жаңа модификациялық физика, биология, химия кабинеттері жабдығымен орнатылды.

Алдағы уақытта аудандағы басқа да бірнеше мектепке кабинеттерді жабдықтау бойынша жұмыстар жүргізілмек.