Қытайлық инвесторлармен іскерлік кездесу өтті
Ұлытау облысы әкімінің орынбасары Жәнібек Нөпіров Қытайдың «Синьцзян Чжанди Инвестмент» компаниясының өкілдерімен ресми кездесу өткізді. Жиынға сондай-ақ қазақстандық «LAZER GROUP» компаниясының басшылығы да қатысты.
Кездесудің мақсаты — Ұлытау облысының инвестициялық әлеуетін таныстырып, шетелдік инвесторлармен өнеркәсіптік және өңдеу салаларында бірлескен жобаларды іске асыру мүмкіндіктерін талқылау.
Әкім орынбасары Жәнібек Нөпіров облыс экономикасының негізі тау-кен өндірісі екенін атап өтті. Сонымен қатар, жоғары қосылған құны бар өндірістерді дамыту, өңдеу саласына инвестиция тарту және жаңа өндірістік қуаттарды ашу — өңір дамуының басым бағыттарының бірі екенін жеткізді.
Кездесу барысында «Синьцзян Чжанди Инвестмент» компаниясының басшысы Ду Цуньфэн өңірдегі жобаларға қызығушылығын білдіріп, компания тарапынан бірқатар ұсынысын таныстырды.
