Ұстаздар ұлықталған күн
Өткен аптада аудандық мəдениет үйінде мұғалімдерге құрмет көрсетілді. Жиынды аудан əкімі Аманжол МЫРЗАБЕКОВ құттықтау сөзімен ашып, ұстаздар қауымын төл мерекесімен құттықтады.
– Ұстаз – ұлағатты есім. «Білікті ұстаз – əлеуетті əлеумет шырақшысы» деген дана халқымыз. Шəкірттерін білім нəрімен сусындатып, тəлім-тəрбие беру, жақсы қасиеттерді бойына дарытып, адамгершілік рухта бағытбағдар беруде ұстаздар еңбегі зор. Сондықтан біз əрдайым мұғалімдердің еңбегін жоғары бағалаймыз. Бүгінгі таңда жас ұрпақ алдында бəсекеге қабілетті елдің қатарынан көріну міндеті тұр. Бұл өз кезегінде мұғалімдерге зор жауапкершілік жүктейтіні анық. Сіздердің осы бағыттағы еңбектеріңіз жана берсін! – деді аудан басшысы.
Сөз соңында Аманжол Батырбекұлы білім беру саласында елеулі еңбегімен көзге түскен бір топ мұғалімдерді марапаттады. Əуелі облыс əкімінің Алғыс хатын – №7 Сарысу орта мектебінің мұғалімі Жанат Көшербаеваға, аудандық білім бөлімінің əдістемелік кабинет меңгерушісі Назгүл Тəліповаға, №1 Ұлытау тірек мектебінің мұғалімі Патимат Оскановаға табыс етті. Аудан əкімінің Құрмет грамотасымен – аудандық білім бөлімінің əдіскері Иран Тобашев, №6 Жезді тірек мектебінің мұғалімі Гүлбану Битенова марапатталды. Аудан əкімінің Алғыс хатына – №7 Сарысу орта мектебінің мұғалімі Ғалия Молдыбаева, №14 Алғабас орта мектебінің мұғалімі Саягүл Жұмабекова, №1 Ұлытау тірек мектебінің мұғалімі Гүлжан Жəкенова ие болды.
Мерекеде мерейі өскен ұстаздарға сондай-ақ, аудандық білім бөлімінің басшысы Бағдат Əбдірайымов та жүрекжарды лебізін білдірді. Құттықтау мен марапаттау рəсімі кезінде салтанатты шараны ұйымдастырушы тарап үздіктер қатарынан көрінген мұғалімдерді ыстық ықылас пен гүл шоқтарына орап тастады. Мəселен, саналы ғұмырын білім беру саласына арнаған ұстаз Серғазы Есмағанбетов, №6 Жезді мектебінің мұғалімі Гүлмаржан Шегебаева, №9 Терісаққан орта мектебінің мұғалімі Гүлбану Сейдахметова, Ж.Жабаев атындағы №15 Қарсақбай тірек мектебінің мұғалімі Бекарыс Тельбаев, №17 Байқоңыр орта мектебінің мұғалімі Баян Рахметолла, М.Мыңқаев атындағы №10 Борсеңгір орта мектебінің мұғалімі Бағдат Аяпбекова – облыстық білім басқармасынан Құрмет грамотасымен марапатталды. Осы ретте марапат түрлері сан алуан болғанын атап өтуде артықшылық етпес. Еселі еңбегі ескерілген мұғалімдер облыстық білім басқармасының Алғыс хатына да иеленді. Марапатқа ие болғандардың қатарында №3 Аманкелді орта мектебінің мұғалімі Əсел Əбікенова, №5 Пионер негізгі мектебінің мұғалімі Жұлдыз Əлжанова, №7 Сарысу орта мектебінің мұғалімі Гүлнұр Əлиманова, №8 Егінді орта мектебінің мұғалімі Бекзат Маратов, №14 Алғабас орта мектебінің мұғалімі Светлана Бимағанбетова, Жезді мектеп-интернатының мұғалімі Шолпан Бірімжанова, аудандық оқушылар үйінің педагогы Думан Əден, №11 Қоскөл орта мектебінің мұғалімі Əбдіманат Бралин, №12 Ақтас негізгі мектебінің мұғалімі Орынбасар Жұмабаева, №1 Ұлытау тірек мектебінің мұғалімі Мейрамкүл Əбітаева, №2 Қорғасын орта мектебінің мұғалімі Оразалы Айранбаев бар. Одан кейін де марапаттау рəсімі жалғасып, аудандық білім бөлімінің Құрмет грамотасымен – №17 Байқоңыр орта мектебінің мұғалімі Бейсенкүл Ағыбаева, №1 Ұлытау тірек мектебінің мұғалімі Жанар Обайдуллина, №3 Аманкелді орта мектебінің мұғалімі Ардақ Қарахметов марапатталды.
Салтанатты шарада мұғалімдер қауымын Сарысу ауылының ардагер-ұстазы Гүлнар Əбішева құттықтап, ақжарма тілегін арнады. Қиындығы мен қызығы қатар жүретін ұстаздық еңбектеріне жеміс, отбастарына амандық тіледі. Сонымен қатар, ардагер ұстаздардың да құшақтары гүлге, көңілдері қуанышқа толды. Оларға да сый-сияпат жасалды.
Мұғалімдер мерекесіне арналған салтанат, аудандық балалар өнер мектебінің мұғалімдері мен шəкірттерінің əн-күйлерімен, билерімен əспеттеліп отырылды. Бұл салтанаттың ерекшелігі, мұғалімдер мен оқушылардың өздері сахнадан өнер көрсетуі болды. Аяулым Серікбай орындаған «Ізін көрем» əні, «Еркем-ай» бишілер тобының «Айжан қыз» биі, Əлихан Қабдештің шырқаған «Мен қазақтың ұлымын» əні, «Жезкиік» домбырашылар оркестрінің «Аққу арман» əні, Нүриден Оспановтың «Күй шашуы» поппуриі, Ажар Қалдыбайдың орындауындағы «Қазағым» əні мұғалімдер қауымын тəнті етті. Сөйтіп, мерекелік шара есте қаларлықтай тартымды өтті.
Қайрат ЖҰМАБАЙ.
