Сервистік модель полиция жұмысына серпін бере ме?
Полицияның қоғамның барлық өкілдерімен серіктестік қатынас орнатуға ұмтылуы – қауіпсіз және үйлесімді ортаны құрудың маңызды қадамы.
Бұл ұмтылыс қоғам мен полиция арасында сенімді қарым-қатынас орнатып, ортақ мақсаттарға қол жеткізуге мүмкіндік береді. Қоғамның әртүрлі топтарының мүдделері ескеріліп, полиция қызметі ашықтық пен қолжетімділік қағидаттарына сүйенген жағдайда ғана нағыз қауіпсіздік қамтамасыз етіледі. Әлеуметтік әріптестік азаматтардың құқықтарын қорғауда да, құқық бұзушылықтың алдын алуда да тиімді құрал бола алады. Бұл серіктестік тек құқық қорғау саласындағы өзара әрекеттестікпен шектелмейді. Азаматтардың полиция жұмысына қатысуы, ұсыныстарын білдіруі және бірлескен жобаларға атсалысуы олардың қауіпсіздікке деген сенімін арттырады. Полиция қызметкерлері, өз кезегінде, қоғамның мәдени және әлеуметтік ерекшеліктерін ескеріп, жауапты және түсіністікпен қызмет етуге тиіс. Бұл процесте диалогтың ашықтығы, ақпараттың қолжетімділігі, сондай-ақ халықтың құқықтық сауаттылығын арттыру маңызды рөл атқарады.
Полицияның қоғаммен серіктестігі ортақ мақсаттарға – құқық бұзушылықтың алдын алу, қылмыстың азаюы және тұрақты бейбітшілікке жету үшін қажет. Әрбір азаматтың рөлі маңызды болғандықтан, осындай әріптестік негізінде қауіпсіздік мәдениетін қалыптастыру тиімді нәтиже береді.
Әмина ҚАЗАНҒАП,
іс-қағаз жүргізуші.
