Сенбілік – ауыл айнасы
Аудан әкімі Советбек МЕДЕБАЕВТЫҢ тапсырмасына сәйкес, ауданда аумақтарды санитарлық тазалау сенбіліктері басталды. Мақсатты шаралар бекітілген кестеге сәйкес жүргізілуде. Оған мекеме-кəсіпорындар білек сыбана кірісті.
Соның аясында аудан орталығына кіреберіс аумақ, Ұлытау-Арқалық, Ұлытау-Қаракеңгір көлік жолдарының бойы, Тасбұлақ, Күмісбұлақ төңіректері, Асан қайғы ескерткіші маңайы мен саябақтар қоқыстан толық тазартылды. Сондай-ақ, аудан орталығындағы Тәуелсіздік, Сәтбаев, Тайжан, Абай көшелеріне де тазалық жұмыстары жүргізіліп, арнайы техникалар жұмылдырылды.
Қатты қалдықтар сыртқа шығарылды.
Бұл бағыттағы іс-әрекеттер жоспарлы түрде жалғаса береді.
Өз тілшімізден.
