«Сарыарқа-2021» – мықтылар бәсекесі
Спорт күніне орай, аудандық денешынықтыру және спорт бөлімінің ұйымдастыруымен «Сарыарқа — 2021» спартакиадасы өтті. Карантиндік шектеу талаптарына байланысты жарыс онлайн форматында ұйымдастырылды. Жарысқа қатысушылар спорттың асық ату, дойбы, тоғызқұмалақ, кір тасын көтеру, пауэрлифтинг және жонглерлік түрлерінен сайысқа түсті.
Тартысты сайысқа Ұлытау, Сарысу ауылдары мен Жезді, Қарсақбай кенттерінің командалары қатысты.
Сайыс нәтижесінде асық атудан I орынды Аян Фатих, II орынды Атажан Біргебай, III орынды Азамат Шаймұрат, дойбы ойынынан І орынды Әдемі Рахманова, ІІ орынды Аян Мусин, ІІІ орынды Ақмарал Мағзұмова, кіртасын көтеруден І орынды Ғалым Қожаберген, ІІ орынды Әлімжан Нұркамал жеңіп алды. Ал, жонглерліктен І орынды Нұрдәулет Бауыржан, ІІ орынды Ерасыл Серік, пауэрлифтинг сайысынан І орынды Бекасыл Рахым, ІІ орынды Ернат Төлеш, ІІІ орынды Мирас Қанат иеленсе, тоғызқұмалақтан І орын Еркебұлан Самат, ІІ орын Назерке Самат, ІІІ орын Бауыржан Оразалының еншісіне бұйырды.
Мықтылар бәсекесінің жеңімпаздары мен жүлдегерлер арнайы дипломмен, бағалы сыйлықтармен марапатталды.
Жасұлан АЯШЕВ
