Сәтбаевта пластикалық бөтелкелерді жинауға арналған контейнерлер орнатылуда
Екі жыл бұрын Сәтбаев қаласында пластикалық бөтелкелерді жинауға арналған торлы контейнер орнатыла бастады. Алғашында олардың саны 30 дананы құрады. 2022 жылы дәл осындай 50 контейнер орнатылды және биыл тағы 20 данасын орнату жоспарлануда. Олар қоқыс жәшіктерінің жанында тұрмыстық қалдықтарды жинау алаңдарына орналастырылады.
Мердігер «Жар» ЖШС контейнерлердің толтырылуын бақылайды және бөтелкелерді тасымалдауды жүзеге асырады. Барлық жиналған пластик қайта өңдеуге жіберіледі.
Мамандандырылған контейнерлерді жөндеуді «ЖезТранссигнал» ЖШС қамтамасыз етеді.
