Құрметті Ұлытау облысының оқушылары!
Сіздерді жаңа оқу жылының басталуымен шын жүректен құттықтаймын!
Бұл күн – сіздердің жаңа белеске қол созып, биік шыңдарды бағындыра түсулеріңізге, тағы мыңдаған мүмкіндікке жол ашады. Білім нәрін бойына молынан сіңіріп, талаптанудан шаршамаған жастар ғана болашақтың іргесін берік ұстайды. Сол себепті де қажыр-қайраттарыңызды аямай, бар күш-жігерлеріңізді келешекке нық қарауға сарп етіңіздер.
Қадірменді білім қуған жастар!
Сіздерге жаңа оқу жылында жаңа табыстар, жаңа белестер тілеймін. Тәуелсіз еліміздің жарқын болашағы, жаңадан құрылған облыстың іргесін берік ұстау сіздердің қолдарыңызда. Ұстаздарыңыздың тәлім-тәрбиесін жетік меңгеріп, айбынды да білімді азамат болыңыздар.
«Мектептің жаны» атанған қадірлі Ұстаздар!
Сын сағатында оқушылардың жанынан табылатын, әр балаға қамқорлықпен, асқан мейіріммен қарайтын өздеріңіз. Сіздер бәйгеге қосып келе жатқан Ұлытау облысы оқушыларының талай жетістігіне куә болып жүрміз, ары қарай да тек биік шыңдарды бағындырғанын көре берейік.
Құрметті ата-аналар!
Талаптанған балаларыңыздың бар тілегі орындалсын, үкілеген үміттеріңіз ақталсын.
Берік ӘБДІҒАЛИҰЛЫ,
Ұлытау облысының әкімі.
