Құрметті Ұлытау ауданы тұрғындары!

Елімізде короновирус инфекцияның қайта өршуіне байланысты, оның әкелінуі мен таралуының алдын алу, аудан көлемінде тұрғындардың санитариялық-эпидемиологиялық салауаттылығын қамтамасыз ету мақсатында Сіздің және жақындарыңыздың денсаулығын сақтау үшін келесі алдын алу шараларын ұстануыңызды  сұраймыз:

• вирустық аурулар белгілері бар адамдармен қарым-қатынасты болдырмау (жөтел, түшкіру, мұрын шырышты қабатының қабынуы, дене қызуының көтерілуі);
• дене қызуын күніне 2 рет мүмкіндігінше өлшеу қажет;
• тұрғын үй жайларын ылғалды жинау кезінде дезинфекциялау заттарды (құрамында хлор бар заттар, 70% спирт, сірке қышқылы, лимон қышқылы, сода) қолдану қажет;
• жеке гигиенаны сақтау (жеке сүлгі, сабын, ұстара құралдарын пайдалану және т. б.);
• қолды сабынмен жуу (әжетханаға барған, қол алысқаннан, көшеден оралғаннан кейін, сондай-ақ тамақ дайындаудан бұрын);
• қоғамдық орындарда жүргенде көз, мұрын және ауызға қол тигізбеңіз, өйткені лас қолдың жанасуы вирустың шырышты қабатқа түсуіне ықпал етеді;
• адамдар көп жиналатын жерлерге бармау, 60 жастан асқан қарт кісілерге қатты қажеттілік болмаса үйден шықпау;
• дәке (маска), арақашықтықты сақтау кемінде 1,5 — 2м;
• қоғамдық орындарда жөтеліп немесе түшкіріп жатқан адамдармен қарым-қатынас жасамауға тырысу, мүмкін болмаған жағдайда кемінде бір метр қашықтықта дистанцияны сақтау;
• ұжымдық мерекелік жиын және отбасылық той, туған күн, құдайы ас, оның ішінде шеке беруге тыйым салу;

Жіті респиратолық вирусты инфекция белгілері пайда болған кезде (дене қызуының көтерілуі, тыныс алудың қиындауы, көбінесе құрғақ жөтел, қалтырау, денедегі қақсау, мұрын шырышты қабатының қабынуы және т. б.) үйде қалу өзін-өзі емдеумен айналыспау және міндетті түрде жедел медициналық көмек шақыру қажет;

Осы жоғарыда аталған санитарлық-эпидемиологиялық шараларды тұрғындар қатаң сақтаған жағдайда, індеттің таралуына жол берілмейтіндігін ескертеміз.

ҚАУІПТІ ІНДЕТТЕН – САҚТАНАЙЫҚ АҒАЙЫН!!!