Құрметті Алпысбаев Әмірхан МАЙТОНҰЛЫ!
Сізді 60 жасқа толған мерейтойыңызбен шын жүректен құттықтаймыз!
Сіз көп жылдан бері өнер саласында тынымсыз еңбек етіп, осы жолда көп белес-биіктерден өткен жігерлі азаматсыз. Бойыңыздағы еңбекке адал, мақсатқа берік қасиеттеріңіздің арқасында Сіз бүгінде қасиетті Ұлытауымыздың өнер саласында біліктілігіңіз бен іскерлігіңізді орайлы ұштастыра отырып, білім беру ісіне сүбелі үлесіңізді аянбай қосып келесіз. Әріптестеріңіз Сізді білікті басшы, іскер ұйымдастырушы, жарқын бастамалардың қолдаушысы ретінде ерекше бағалап, құрмет тұтады. Игі істеріңіздің қашанда оңға басуына, әр қадамыңыздың қарымды болуына, ел — қоғам алдында абыройыңыздың арта беруіне тілектестік білдіреміз.
Бүгінгідей мерейлі сәтте Сізге ақ ниетпен мықты денсаулық, қажымас күш-қайрат, ортаймас несібе-дәулет тілейміз. Еңбекте толағай табыстарға, мақсатта биік шыңдарға жете беріңіз, абырой-беделіңіз бен табыс-тартуларыңыз арта берсін. Әрдайым отбасыңыз аман, жүзіңіз жарқын, мерейіңіз үстем болсын!
Игі тілекпен: Ұлытау ауданы Балалар өнер мектебінің ұжымы.
