Президент V Дүниежүзілік көшпенділер ойындарын жоғары деңгейде өткізуді тапсырды

Бұл туралы Мемлекет басшысы Қасым-Жомарт Тоқаев мәлімдеді.

«Қазақтың тағы бір ерекшелігі – көне дәуірден бері келе жатқан өмір салты. Өзге елдер бізді көшпенділердің ұрпағы ретінде біледі. Бұл да – халқымыздың басты брендінің бірі.

Келесі жылы менің шақыруыммен Қазақстанда V Дүниежүзілік көшпенділер ойындары өтеді. Бұл қадам ұлттық спортты дамыта түсуге зор мүмкіндік береді. Сондықтан байрақты бәсекені жоғары деңгейде өткізуіміз керек», – деді Мемлекет басшысы Түркістанда өтіп жатқан Ұлттық құрылтайда.