Парасаттылық – адалдықтың ақ туы

Жуырда Жезді кентінің кітапханасында «Адалдық алаңы» жобасы аясында «Адалдық – асыл қасиет» тақырыбында «Парасат жолы» бұрышы ашылды.

Алдымен, парасат жолы бұрышының ашылу рәсімі жасалып, Жезді кентінің имамы Медет Жақыпбеков пен кент әкімі аппаратының бас маманы Мұратбек Жұмабеков лентасын қиды. Жоба аясындағы шараға кент әкімі аппаратының қызметкерлері, №31 Өрт сөндіру бөлімшесінің мамандары, кітапхана оқырмандары қатысты.

Шара барысында ұлы ақын, ғұлама Абайдың адамгершілік, адалдық бағыты шеңберінде өрбіген өлеңдерімен сабақтастыра отырып, жеке адамның тұлғалық қасиетін қалыптастыру көзделді. «Парасат жолы» бұрышына Абайдың даналыққа толы қарасөздері мен Әбу Насыр әл-Фарабидің парасаттылыққа, ізгілікке толы еңбектері, ҚР Азаматтық Кодексі, «Сыбайлас жемқорлыққа қарсы күресу» тақырыбында газет-журналға жарияланған материалдары қойылды.

Осындай ізгілікті іс-шара алдағы күндері де кент кітапханасында, парасаттылық идеологиялық ілгерілету аясында жалғасын таба бермек.

Кәмшат ҚҰСАЙЫНОВА,

Жезді кенті кітапханасының меңгерушісі.