ОСК Қазақстан Республикасы Президентінің сайлауының соңғы қорытындыларын жариялады

ОСК Қазақстан Республикасы Президентін кезектен тыс сайлаудың соңғы қорытындыларын жариялады. Мемлекет басшысы болып 81,31% дауыспен Қасым-Жомарт Тоқаев сайланды.

«Қазақстан Республикасының Орталық сайлау комиссиясы қаулы етті:

1. Қасым-Жомарт Кемелұлы Тоқаев Қазақстан Республикасының Президенті болып сайланды деп есептелсін.

2. Қасым-Жомарт Кемелұлы Тоқаев Қазақстан Республикасының Президенті ретінде тіркелсін.

3. Қазақстан Республикасының тіркелген Президентіне тиісті куәлік табыс етілсін.

4. 2022 жылғы 26 қараша кезектен тыс сайлауда сайланған Қазақстан Республикасының Президенті Қасым-Жомарт Кемелұлы Тоқаевтың ант беру күні болып белгіленсін», – делінген ҚР ОСК сайтында.

Қазақстан Республикасының Президенттігіне алты адам сайлауға түсті.

Қасым-Жомарт Тоқаевқа 6 456 392 адам немесе 81,31% дауыс берді.

«Барлығына қарсы» жолағын 460 484 адам немесе 5,80% таңдады.

Қалған кандидаттар үшін:

— Қарақат Әбден – 206 206 дауыс немесе 2,60 %;

— Нұрлан Әуесбаев – 176 116 дауыс немесе 2,22 %;

— Жигули Дайрабаева – 271 641 дауыс немесе 3,42 %;

— Мейрам Қажыкен – 200 907 дауыс немесе 2,53 %;

— Салтанат Тұрсынбекова – 168 731 дауыс немесе 2,12 %.

Бірыңғай жалпыұлттық сайлау округі бойынша сайлаушылар тізіміне 11 953 465 азамат енгізілді. Дауыс беруге 8 278 570 адам қатысты, оның ішінде есептен шығару куәліктері бойынша 13 282 және дауыс беруге арналған үй-жайдан тыс жерде 112 969 сайлаушы дауыс берді.

ҚР ОСК ақпараты бойынша