Округтердің бюджеттері нақтыланды
Апта соңында аудандық мәслихаттың ХLVІІ сессиясы болып өтті. Онлайн ZOOM бағдарламасы арқылы өткізілген сессияға мәслихат хатшысы Т.Сейтжанов, депутаттар мен аудан әкімінің орынбасарлары М.Оспанов, Б.Байжантаев, Н.Орынбаев және аудандық мекеме басшылары, кенттік, ауылдық округтердің әкімдері қатысып отырды.
Күн тәртібіндегі мәселе бойынша аудандық экономика және қаржы бөлімінің басшысы Т.Шайхин «2020- 2022 жылдарға арналған кенттік, ауылдық округтердің бюджеттері туралы» 2019 жылғы 31 желтоқсанындағы аудандық мәслихаттың XL сессиясында қабылданған №354 шешіміне өзгерістер енгізу жөнінде баяндама жасады. Баяндамадан соң депутаттар шешім қабылдады.
Аудандық мәслихаттың кезекті сессиясының төрағасы болып депутат С.Тәшенов, редакциялық құрамына депутаттар Н.Ақтаев, Л.Мусина, аудандық экономика және қаржы бөлімінің басшысы Т.Шайхин, аудандық мәслихаттың аппарат басшысы А.Қайырбек бірауыздан сайланды. Осымен алтыншы шақырылған аудандық мәслихаттың XLVII сессиясы өз жұмысын аяқтады.
Аудандық баспасөз қызметі.
