Облыс әкімінің бірінші орынбасары А.Бәрекенов Ұлытау ауданының Мибұлақ ауылына жұмыс сапарымен барды

Жұмыс сапары барысында ауылдық округ әкімі мен Мибұлақ орта мектебінің педагогикалық ұжымының қатысуымен жиын өтті. Сондай-ақ «Көктөбе» ШҚ, «Жанмайлов» ШҚ, «Тезекбай» ШҚ және «Мулаков А.Т.» ШҚ шаруа қожалықтарында болып, олардың қызметімен танысты. Бұл шаруашылықтардың негізгі қызметі мал шаруашылығы, оның ішінде асыл тұқымды мал (ірі қара, ұсақ мал және жылқы) өсіру.

Анықтама үшін: «Көктөбе» ШҚ – 300 — ден астам; «Жанмайлов» ШҚ – 200 — ден астам; «Тезекбай» ШҚ – 500 — ден астам; «Мулаков А.Т.» ШҚ — 600-ден астам ірі қара мал.

Шаруалармен кездесу барысында бірқатар мәселе айтылды. Мысалы:

— малдың өлімі, атап айтқанда ірі қара мал;

— ветеринарлық қызметтің сапасыз жұмысы;

— АӨК мен ветеринария саласында атқарылып жатқан жұмыстар бойынша өзекті ақпараттың жоқтығы;

— аймақта қаржы институттарының жетіспеушілігі;

— Мибұлақ ауылдық округінде интернет пен сапалы ұялы байланыстың жоқтығы;

— медициналық қызметкерлердің, электриктердің жетіспеушілігі.

Жиын барысында шаруаларға облыстық ауыл шаруашылығы және жер қатынастары басқармасының алдағы жұмыс жоспарлары таныстырылды:

— АКК филиалы қазан айында ашылады;

— озық шаруа қожалықтарының жетекшілерін мемлекеттік/үкімет наградаларымен марапаттау мәселесі пысықталады;

— Мибұлақ ауылдық округінде интернетке қосылу жұмыстары бойынша «Дара Холдинг» ЖШС басшылығымен кездесу өткізіледі;

— ауылдық округті медициналық және техникалық қызметкерлермен қамтамасыз ету мәселесі шешіледі;

— ветеринарлық қызмет көрсетудің сапасын жақсарту бойынша тиісті жұмыс атқарылады;

— жемшөптерді уақтылы дайындау және оларға бағаның өсуіне жол бермеу бойынша жұмыстар жүргізіледі;

— көпжылдық шөптердің (жоңышқа, беде, бидай шөптері және т. б.) егіс алқаптарын ұлғайту бойынша жұмыстар жүргізіледі.