«Мектепке жол-2023» қайырымдылық акциясы басталды
«Мектепке жол» республикалық қайырымдылық акциясының мақсаты – аз қамтылған жəне көпбалалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету жəне əлеуметтік себептер бойынша балалардың мектепке келмеуінің алдын алу.
Елдің əр азаматы халықтың əлеуметтік осал топтарынан шыққан балаларды мектепке дайындауда, атаулы көмек көрсетуде азаматтық белсенділік таныта алады, оның мектепке жолы қуанышты болуы үшін əрбір балаға шынайы қамқорлық пен назар аудара алады деп сенеміз.
Балалар – біздің болашағымыз. Сондықтан, «Мектепке жол» акциясына үкіметтік емес ұйымдарды, кəсіпкерлерді жəне мемлекеттік органдарды, аудан халқын акцияға белсене қатысуға, əлеуметтік қолдауды қажет ететін отбасы балаларына қолдау көрсетуге шақырамыз.
«Мектепке жол» республикалық акциясы бойынша барлық сұрақтармен білім бөлімінің əкімшілігімен байланысуға болады. Байланыс нөмірі: 8(71035) 2-12-95.
Акция 2023 жылдың 1 тамызы мен 30 қыркүйегі аралығында өтеді. Барлықтарыңызды акцияға белсене қатысуға шақырамыз!
Ұлытау ауданының білім бөлімі.
