Ұлытау облысының әкімі Б.Әбдіғалиұлы Мұғалімдер мерекесіне орай облыс ұстаздарын құттықтады
Құрметті ұстаздар!
Қадірлі білім беру ісінің ардагерлері!
Сіздерді төл мерекелеріңізбен құттықтаймын.
Ұстаз — ұлттың ұстынын қалыптастырып, ізгілік пен ізденіске бастайтын ұлағатты тұлға.
Ұлттың ұлы ұстазы Ахмет Байтұрсынов «Біз әуелі елді түзетуді бала оқыту ісін түзетуден бастауымыз керек» деп атап көрсеткен.
Демек, еліміздің ертеңіне қызмет ететін ойы орамды, рухы биік, өршіл өрендерді тәрбиелеу – ұстаздың терең тәлімі мен байсалды біліміне байланысты.
Сондықтан, ұстаз білім берумен қоса, шәкіртінің зейінін ашып, танымын тереңдетіп, ұшқырлығын ұштауы тиіс.
Көкжиегі кең, жауапкершілігі жоғары ұстаз — жаһандану заманында бәсекеге қабілетті болмақ.
Кәсіби мереке қарсаңында Сіздерге зор денсаулық, толайым табыс, отбасыларыңызға амандық тілеймін.
