Ұлытау облысының делегациясы мемлекет және қоғам қайраткері Кәкімбек Салықовтың 90 жылдығына арналған салтанатты шараға қатысты

Алматы қаласында көрнекті мемлекет және қоғам қайраткері, ақын Кәкімбек Салықовтың 90 жылдығына орай салтанатты іс –шаралар өтуде. Ұлытау облысының делегациясы осы іс шараларға қатысуда.

️ Бағдарламаға сәйкес К.Салықовқа көше аты берілді, қайраткер тұрған үйдің сыртына ескерткіш тақта орнатылды, еске алу құрметіне ас беріліп, Ұлттық кітапханада өнер және қоғам қайраткерлерінің қатысуымен республикалық конференция өтті.

️ Сонымен қатар, Абай атындағы Ұлттық опера және балет театрында көрме, салтанатты концерт ұйымдастырылды.

️ Кәкімбек Салықов алғашқы еңбек жолдарын Ұлытау-Жезқазған жерінен бастаған, 1955-1968 жылдары Жезқазған кен металлургия комбинатында түрлі қызметте, 1968-1973 жылдары Қазақстан Компартиясы Жезқазған қаласы комитетінің бірінші хатшысы, 1973-1975 жылдары Қазақстан Компартиясы Жезқазған облыстық комитетінің хатшысы болып қызмет атқарды.

Қайраткерлігімен қоса ақындығы қатар жүрген ұлы тұлғаның жүрегінен шыққан жырлары, атқарған игілікті істері бүгінгі күнге дейін ел аузында.