Ұлытау облысында қар тазалау жұмыстары жалғасуда
Ұлытау облысына қарасты қала және аудан әкімдіктердің ақпараты бойынша, елді мекендерді қардан тазарту жұмыстары қардың түсуіне байланысты үздіксіз жүргізілуде.
Бүгінгі таңда қар тазалау іс-шараларына барлығы 64 бірлік арнайы техника мен 84 адам жұмылдырылды.
Жезқазған қаласында күнделікті шығарылатын қардың мөлшері 300 тоннаны құраса, Сәтбаев қаласында күн сайын 250 тонна қар тазалануда. Ал, Қаражал қаласында 4 мың текше метрден астам қар, Жаңаарқа ауданында 8 мың текше метрден астам қар шығарылды. Жұмыс кешенді түрде өтуде және жалғастырылатын болады.
