Ұлытау аудандық мәслихатының хатшысы сайланды

2022 жылғы 11 қазанда өткен VII шақырылымдағы Ұлытау аудандық мәслихатының ХХІ сессиясының шешімімен аудандық мәслихаттың хатшысы лауазымына депутаттар корпусының бірауыздан қолдауы негізінде Ахат ҚҰРМАНСЕЙІТОВ сайланды.  

Ахат Құрмансейітұлы 1964 жылы 22 қаңтарда Ұлытау ауданы, Шеңбер совхозында туған.

1989 жылы Жезқазған педагогикалық институтының филология факультетін тәмамдаған. Біліктілігі – қазақ мектебіндегі орыс тілі және әдебиеті пәнінің мұғалімі.

Кеңес Әскері қатарында азаматтық борышын өтеген.

Қазақстан Журналистер одағының мүшесі. ҚР Ақпарат саласының үздігі. Қарағанды облысы әкімінің «Алтын сұңқар» сыйлығының лауреаты.

Еңбек жолын 1981 жылы туған ауылында «Таң нұры» комсомол-жастар шопандар бригадасы құрамында бастаған.

-№2 Қорғасын орта мектебі орыс тілі мен әдебиеті пәнінің мұғалімі.

-Ұлытау ауданы, Шеңбер совхозы комсомол комитетінің секретары.

-Қазақстан ЛКЖО Ұлытау аудандық комитеті комсомол ұйымдары бөлімінің меңгерушісі.

-Қазақстан ЛКЖО Ұлытау аудандық комитетінің бірінші секретары.

-Ұлытау аудандық жастар ісі, туризм және спорт комитетінің төрағасы.

-Ұлытау ауданы әкімінің орынбасары.

-Ұлытау аудандық білім бөлімінің меңгерушісі.

-Қарсақбай кентінің әкімі.

-Ұлытау аудандық білім бөлімі меңгерушісінің орынбасары – әдістеме кабинетінің меңгерушісі.

-Жезқазған қалалық «Сарыарқа» газетінің аға тілшісі.

-Жезқазған қалалық «Сарыарқа» газеті бас редакторының орынбасары.

-Жезқазған қалалық «Сарыарқа» газеті бас редакторының орынбасары – жауапты хатшы.

-Қаражал қалалық «Қазыналы өңір» газетінің бас редакторы.

-«Қаражал қаласының ішкі саясат бөлімі» ММ басшысы.

-Қаражал қаласы әкімінің ішкі саясат және әлеуметтік сала мәселелері жөніндегі орынбасары.

-Қарағанды облыстық «Орталық Қазақстан» газетінің жауапты хатшысы.

-Қарағанды облыстық «Орталық Қазақстан» газетінің Жезқазған, Қаражал, Сәтбаев қалалары және Жаңаарқа, Ұлытау аудандары бойынша меншікті тілшісі.

-Қарағанды облыстық «Орталық Қазақстан» газеті бас редакторының орынбасары.

-«Ұлытау аудандық «Ұлытау» газетінің редакциясы» ЖШС директоры – бас редактор.

-«Қаражал қалалық «Қазыналы өңір» газетінің редакциясы» ЖШС директоры – бас редактор.

Жаңа лауазымға сайланғанға дейін «Егемен Қазақстан» республикалық газетінің Ұлытау облысындағы меншікті тілшісі қызметін атқарды.