Көшелер самаладай жарқырайды
Ұлытау ауданының әкімі Советбек МЕДЕБАЕВТЫҢ тарапынан берілген нақты тапсырма аясында аудан орталығындағы көшелер бойындағы жарық беру бағандарының шамдарын жаңғыртып, ауыстыру жұмыстары басталғалы біршама уақыт өтті.
Бұған дейін ауылдың орталық көшелері саналатын Абай, Тәуелсіздік көшелеріндегі жарық беру шамдары жаңғыртылып салынған еді. Енді арнайы жасақталған жұмыс тобы Асатов, Аманкелді, Жамбыл және Бұлқышев атындағы көшелер шамдарын жаңарту жұмыстарын жүргізуде.
-Бұл шарамен аудан орталығындағы барлық көше бойындағы бағандар қамтылады. Болашағын туризм саласымен байланыстырып отырған Ұлытау ауданының орталық елді мекенінің түн мерзімінде самаладай жарқырап тұруы – уақыттың өзі үндеген талап, – дейді Ұлытау ауылдық округінің әкімі Талғат Әбжаппаров.
Жасұлан АЯШЕВ.