Іскер азамат

Адам өзінің адамгершілік қасиетімен, халыққа еткен қалтқысыз қызметімен, елдің алғысын алып, абыройға бөленеді. Осындай азаматтардың бірі Исамбай Ғынаят Советұлы. Ол қазіргі заман талабына сай өзінің кәсібін ашып, халықтың қажетін өтеуде. Аудан орталығынан «Самир» азық-түлік дүкенін ашып, халыққа қалтқысыз қызмет етуде.

Аудан тұрғындарының бір қажеті шаштараз еді. Қазір ержете бастаған баладан бастап, азаматтар шаш қояды. Оны күтіп ұстау, өскен кезде бастырып отыру, көп қиындық тудыратын, азаматтар шаш бастыру үшін қалаға баратын. Ғынаят Советұлы бұл қиындықтан құтқарды. Ол аудан орталығынан шаштараз ашып, халыққа қызмет етіп, елдің алғысын алуда. Зайыбы Жазира өздері ашқан дүкенде халыққа қызмет көрсетуде. Төрт балалары бар.
Ғынаят сүттей ұйыған отбасының тірегі, іскер азамат. Біз Ғынаят Советұлының ісіне сәттілік тілейміз.

Мағзұмбек МАШАЙЫҚҰЛЫ.